Hoxe é Venres 30 de Outubro de 2020

O Choco organiza un torneo de Semana Santa

RR_Noticias

O Club Deportivo Choco abriu o prazo de inscrición para o torneo de Semana Santa de fútbol base que organizará en marzo, nas vacacións de Semana Santa, os días 29 e 30, nas instalacións de Santa Mariña. O evento é totalmente de balde para os equipos que decidan participar. Está dirixido a categorías inferiores desde prebenxamín ata infantil de primeiro ano.

Como novidade desta edición, a entidade de Redondela aposta por dar o paso cara o fútbol 11 e incorpora a categoría para infantís de primeiro ano, que xogarán a todo campo. Será o segundo día do torneo, no que tamén disputarán os seus partidos os alevíns de fútbol 8. O evento comezará o xoves 29 coas categorías benxamín e prebenxamín, que o ano pasaron tiveron un enorme éxito tanto pola participación de futbolistas como pola presenza de afeccionados. O Choco organiza este torneo como fomento do fútbol base e tamén para inculcar os valores de amizade e respeto que deben primar nas categorías inferiores. Por iso, invita a todos os participantes a manter unha rivalidade deportiva e vivir unha fermosa xornada de convivencia de fútbol e familia. Para anotarse ou solicitar máis información poden facelo a través do correo eléctronico c.d.choco@gmail.com.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *