Hoxe é Venres 2 de Decembro de 2022
Stations
NOTHING FOUND!
Current listeners: 
Peak listeners: 

Cultura inviste 206.000 euros na mellora dos edificios de San Simón

RR_Noticias

As obras contemplan a revisión, restauración e rehabilitación das construcións, así como accións para protexelas e previr a súa deterioración no futuro. Inclúese tamén nesta actuación acometer o tratamento fitosanitario do paseo dos buxos, palmeiras e outras especies vexetais, que sufriron o ataque de insectos e fungos. As actuacións da Consellería de Cultura prevé actuacións de mellora e de conservación en edificios e espazos exteriores das Illas de San Simón e Santo Antón, por valor de 206.000 euros.

A Dirección Xeral do Patrimonio Cultural formalizou o contrato de obras para a realización dos traballos de revisión, restauración e rehabilitación nas illas, segundo publica o Diario Oficial de Galicia. As obras contemplan a revisión das instalacións dos edificios, a restauración das súas carpinterías exteriores, a reparación das cubertas de cobre e danos puntuais nas fachadas das construcións, o arranxo da pasarela e o falso teito da planta baixo cuberta do edificio de Cursos e Seminarios, o acondicionamento e mellora do edificio do Almacén-Viveiro, e a reparación da cuberta plana do Centro de Interpretación e Documentación.
O proxecto prevé, así mesmo, acometer o tratamento fitosanitario do paseo dos buxos, palmeiras e outras especies vexetais, que sufriron o ataque de insectos e fungos.
Durante os últimos invernos a acción continuada do mar e diferentes temporais, sumado á acción de diversas especies de aves provocaron a entrada de auga e humidades nestas construcións, tanto no interior dos edificios, que teñen afectadas as carpinterías de portas e fiestras, como nos espazos exteriores, tales como pérgolas.
A consideración de BIC dos lugares onde se van realizar estas actuacións esixe unha especial protección para garantir a conservación destes bens pertencentes ao Patrimonio Cultural de Galicia.
 

Facebook
Twitter
LinkedIn
Pinterest
WhatsApp

Deixa unha resposta

O teu enderezo electrónico non se publicará