Hoxe é Sábado 31 de Outubro de 2020

Fomento acepta liberar a peaxe de Rande pero non dá prazos

RR_Noticias

Este é o principal compromiso fixado na reunión da Comisión de Seguimento da AP-9 celebrado este martes. Agora o ministerio terá que comezar as negociacións con Audasa pero polo momento o secretario de Estado de Infraestruturas non estableceu ningún prazo para que a supresión se faga efectiva. A eliminación da peaxe será compensada coa tarifa que se paga no resto da autoestrada.

A conselleira de Infraestruturas, Ethel Vázquez, encargada de facer o anuncio á saída da xuntanza celebrada en Madrid, asegura que se trata de “unha boa noticia” xa que se eliminará a peaxe aos usuarios “Vigo-Redondela e Redondela-Vigo”. Explicou que unha vez que Fomento aceptou a supresión da peaxe, agora o ministerio terá que empezar unha fase negociadora coa concesionaria para abordar como polo en práctica. Ethel Vázquez engadía que dende a Xunta “queremos unha fórmula viable para que os usuarios non paguen esa peaxe nunha comarca tan competitiva” e amosou a súa satisfacción porque Fomento se comprometa a buscar unha alternativa para atender á demanda dos veciños de Chapela e Vigo. O secretario de Estado de Infraestruturas, Julio Gómez-Pomar apuntou que a intención é que a liberalización da peaxe se custee co “ financiamento global “ da Autoestrada do Atlántico, polo que irá “en relación coas tarifas xerais” que pagan os usuarios e que se fará de xeito progresivo.  

Ethel Vázquez conselleira Infraestruturas
Felicítase pola boa nova que supón atender unha vella demanda de Redondela e Vigo

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *