Hoxe é Martes 24 de Novembro de 2020

Mónica Montes, ANPA Igrexa: “Esiximos que alguén garanta a seguridade dos nosos fillos”

RR_Noticias

Pais e nais do colexio Igrexa concentrábanse hoxe ás portas do centro educativo para denunciar a apertura do terceiro carril da AP-9 ao carón do colexio. A indignación e preocupación é patente entre uns proxenitores que dubidan da efectividade do muro construído por Audasa e Fomento ante un eventual accidente. Ás doce do medio día reuniranse con membros da Xunta, Fomento e Audasa nunha xuntanza na subdelegación do goberno de Pontevedra á que tamén asistirán representantes do Concello. Pendentes do que aconteza hoxe adiantan o seu apoio a manifestación prevista para o vindeiro 26 de xaneiro.

O curso arrancaba na mañá de hoxe no colexio igrexa con preocupación e malestar logo da apertura do terceiro carril da AP-9. Unha das nais afectadas amosaba o seu “cabreo e indignación, porque con esta decisión de abrir o carril sen trasladar aos nenos están xogando coa integridade dos nosos fillos e fillas”. Uns pais e nais que se concentraban ás 8:45 horas de hoxe nunha protesta na que tamén estiveron presentes membros dos grupos da oposición e grupo de goberno. De feito, o propio alcalde, Javier Bas, dirixiuse aos concentrados para trasladarlles o seu apoio e comprometerse a defender os seus intereses na reunión de hoxe. Tamén volveu reiterar que o novo colexio será unha realidade aínda que evitando dar prazos. O malestar é máis que patenten entre os membros da ANPA que insistían en que presionarán a Fomento e Audasa para que tomen medidas que garantan a seguridade dos rapaces “queremos que alguén se responsabilice por escrito do que poida pasar e que o carril se empregue só como carril de aceleración, que é o compromiso que tiñan con nós dende o principio”. Rosana, con dous fillos en educación infantil, amosa tamén a súa preocupación e reclama que se adopten medidas de cara a que se balicen os 150 metros do carril para que sexa realmente un carril de aceleración diminuíndo así o risco do alumado e profesorado que segue no colexio Igrexa.    

Mónica Montes secretaria da Anpa
Lamentan que non hai prazos para a apertura do novo colexio.
Indignación dos pais e nais
Patricia amosaba así o seu malestar pola apertura do terceiro carril da AP-9.
Esixen que se balice o tramo
Nais como Rosana amosaban a súa preocupación e solicitan que o carril sexa só de aceleración.
Garantía de seguridade por escrito
A Anpa solicita que a administración responsable lles dea garantías por escrito de que os alumnos están seguros.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *