Hoxe é Xoves 18 de Xullo de 2024
Stations
NOTHING FOUND!
Current listeners: 
Peak listeners: 

A SAR gaña o Memorial Víctor Lis

RR_Noticias

 
O Club Balonmán Seis do Nadal celebrou no pavillón de Coia o décimo Memorial Víctor Lis, torneo en recordo do que foi porteiro do Sedona fai máis dunha década. Hoxe comeza en Redondela o seu Torneo de Nadal de categorías base, III Memorial Juan Bouzón, que se prolonga ata o venres.

O evento, celebrado a pasada fin de semana, comezou cun partido de exhibición dos xogadores benxamíns do club organizador e a continuación enfrontáronse os equipos de Primeira Nacional masculina Seis do Nadal e SAR, con vitoria para o conxunto redondelán (27-32). A competición completouse co encontro entre o Magope Seis do Nadal e o Carballal, equipos de División Prata feminina, no que se impuxeron as anfitrioas por só dous tantos (35-33).
III Memorial Juan Bouzón
 
O club redondelán arranca hoxe co seu IV Torneo de Nadal, o III Memorial Juan Bouzón, que remata o venres día 29. Celébrase no pavillón da Marisma e na Bomboneira, coa participación de todas as categorías inferiores, desde os benxamíns ata os xuvenís. Participan os dous equipos locais, SAR e Chapela, e tamán o Seis do Nadal, Octavio, Carballal, Teucro, Cañiza, Rasoeiro e a selección galega de infantís. Os partidos dispútanse desde as 9.30 ata as 20.00 horas nos dous pavillóns.

Facebook
Twitter
LinkedIn
Pinterest
WhatsApp

Deixa unha resposta

O teu enderezo electrónico non se publicará