Hoxe é Mércores 25 de Novembro de 2020

A piscina incrementará os prezos un 1,3% malia a intención de Serviocio de aplicar unha suba dun 8,8

RR_Noticias

O pleno rebaixa as pretensións da empresa concesionaria Serviocio que pretendía aplicar un incremento dun 8,8 nas taxas que aplican aos seus socios e usuarios. Unha actualización de prezos que se corresponde coa aplicación do IPC galego recollida no contrato feito co concello, pero que o interventor municipal rebaixou a tan só un 1,3%.

A modificación das taxas era aprobada no último pleno municipal no que non faltou un intenso debate en torno aos dereitos e deberes da concesionaria encargada da piscina. Dende o BNG reclamaban unha vez máis e necesidade de facer un estudo pormenorizado sobre as posibilidade de que o servizo fose remunicipalizado. Ao entende do concelleiro nacionalistas Xoán Carlos González “a piscina, do mesmo xeito que a axuda no fogar ou a limpeza dos edificios públicos, son servizos que con traballo e números poderían volver a mans do concello”. Acusaba o edil a Serviocio de facer “unha proposta trampa” ao reclamar un incremento do 8,8%. Dende AER insistían en que “do mesmo xeito que o concello por contrato ten a obriga de permitir a aplicación deste incremento nos prezos que se lles cobra os usuarios da piscina, a propia concesionaria ten unhas obrigas que non está a cumprir como achegar datos sobre o número de usuarios ou mellorar a limpeza e mantemento das instalacións. Roberto Darriba instaba ao goberno local a esixir o cumprimento destas obrigas por parte da concesionaria. Dende o PSOE criticaban que as tarifas que existen actualmente na piscina e ximnasio está a facer que moitos usuarios opten por outros centros deportivos alternativos A popular Carmen Amoedo criticaba a oposición por solicitar a remunicipalización de servizos”que cando gobernan manteñen en mans privadas”.  

Carmen Amoedo PP
Explica o incremento que se permite aplicar
Xoán Carlos González BNG
unha proposta trampa a de Serviocio
Roberto Darriba AER
Pide maior cumprimento dos compromisos por parte da concesionaria
Mauro Alvarez PSOE
Entende que os prezos da piscina son pouco competitivos
Carmen Amoedo PP
Acusa a oposición de pedir remunicipalizacións de servizos pero cando gobernan defender as privatizacións

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *