Hoxe é Mércores 25 de Novembro de 2020

Traballada vitoria do Pazos F.S. en Compostela

RR_Noticias

Axustado triunfo dos de Fran Amoedo, que recuperan a quinta praza do grupo. Peor sorte para o Campito, que perdeu ante o Estrada FutSal. Na Autonómica Sur xornada negra con sendas derrotas para Redondela F.S. e Arealonga.

Terceira División
Santiago B 3-4 Pazos
Partido con moita intensidade o que se disputou en Santiago, onde o empate foi a tónica dominante case todo o encontro, con triunfo finalmente para os de Fran Amoedo. Volven así ao quinto posto da clasificación e Luis segue encabezando a lista como máximo goleador con 20 goles. Na próxima fin de semana reciben ao 5 Coruña. Por ser o último partido na casa antes do descanso de Nadal, celebrarán un gran sorteo e a presentación de todas as categorías do Pazos F.S.
Estrada FutSal 5-3 Campito
O Campito segue nunha complicada situación na táboa, baixa un posto, á 11ª praza, logo da derrota ante un dos candidatos ao título, o Estrada FutSal, 2º na táboa. Na próxima xornada reciben ao Talleres ABC, outro óso, 3º na táboa.
Autonómica Sur
Quinta de Tui 5-1 Arealonga
Os de Chapela seguen como pechacancelas do grupo logo de perder por goleada na pista de A Quinta de Tui. O próximo encontro, Arealonga-Valladares, cos vigueses tamén necesitados de puntos para escapar da parte baixa da táboa.
Os do Val 5-4 Redondela
O Redondela F.S segue penúltimo, logo dunha axustada derrota ante Os do Val. Complícase a situación para o equipo redondelán, que non pode deixar escapar a vitoria na próxima xornada ante o Cesures, tamén en postos de decenso, e cun punto máis que os redondeláns.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *