Hoxe é Xoves 3 de Decembro de 2020

Mala xornada para o fútbol sala

RR_Noticias

O Pazos F.S. non conseguiu pasar do empate ante o Rececende, mentres que o Campito sufría unha goleada por parte do Vilalba. Na Autonómica Sur victoria para o Redondela F.S. ante o Mariñamansa por 5-3, mentres o Arealonga perdía ante o Baíña cun marcador de 1-4.

Terceira División
Pazos 4-4 Rececende
O Pazos F.S. non foi quen de pasar do empate ante un rival, a priori, inferior, como o Rececende. Un único punto que o fai descender ata a 8ª posición da táboa. As cousas poderían mellorar para os de Fran Amoedo, que na próxima xornada se desprazan a Copostela para xogar ante o Santiago B, situado en postos de descenso.
Campito 2-5 Vilalba
O Campito sufriu unha abultada derrota ante o equipo lucense, o que deixa aos de Chapela na 10ª praza do grupo. A próxima xornada terán un complicado encontro, mídense a un dos candidatos ao título, o Estrada FutSal, 2º na táboa.
Autonómica Sur
Arealonga 1-4 Baíña
Os de Chapela seguen como pechacancelas do grupo logo da derrota ante o Baíña. E difícil o van ter para abandonar esta posición, xa que o sábado xogan na pista de A Quinta de Tui, da metade alta da táboa.
Redondela 5-3 Mariñamansa
O Redondela F.S conseguiu impoñerse ao Mariñamansa, tamén na loita por saír da parte baixa da táboa. Con todo, seguen penúltimos. O sábado xogarán na pista de Os do Val, 9º do grupo.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *