Hoxe é Luns 26 de Outubro de 2020

Cedeira garante o subministro de auga cos depósitos a un 60% da súa capacidade

RR_Noticias

As comunidades de auga dalgunhas parroquias teñen decretado restricións nos consumos para garantir o subministro ante unha situación meteorolóxica anómala que nos deixa tempo solleiro e seco neste mes de novembro. Con todo, hai parroquias que lograron esquivar esta preocupante situación. É o caso da parroquia de Cedeira. O presidente da súa Comunidade, Gumersido Fernández malia lamentar que os depósitos non estean a rebordar, que sería o natural nesta época do ano, confirma que o subministro está garantido ao presentar os seus depósitos un cheo en torno ao 60%.

A calidade dos mananciais e o consumo responsable garanten o subministro de auga en Cedeira. Mentres noutras comunidades de auga víronse obrigados a adoptar medidas restrictivas no subministro, en Cedeira mantense estable o consumo por vivenda que está establecido nun máximo de 800 litros diarios. Apunta o presidente da Comunidade que “en circunstancias normais os depósitos estarían soltando  auga ao monte e actualmente estamos nun 60%”. Unha situación que non é a óptima para estarmos no mes de novembro, pero que xa foi máis crítica un mes atrás. De feito, a mediados de outubro chegaron saír con megafonía pola parroquia para concienciar aos veciños sobre o consumo responsable. A situación mellorou co cambio de tempo “porque aínda que non chova o orballo da noite fai que se reduza o rego” explica Fernández. “Un monte espectacular e uns mananciais fantásticos así como unhas infraestruturas en condicións” permiten a esta Comunidade non ter que adoptar medidas restritivas, situación que podería mellorar coa chegada das chuvias anunciadas para os vindeiros días.  

Gumersindo Fernández Comunidade de augas
En Cedeira está garantido o subministro
Bos mananciais e infraestruturas
Fan posible que a situación non sexa alarmante
Consumo responsable
Os comuneiros non superan os litros asignados

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *