Hoxe é Domingo 29 de Novembro de 2020

Táboas no derbi comarcal e derrota do Campito

RR_Noticias

Talleres ABC e Pazos empataron un partido no que os de Pazos remontaron un 3-0 ata rematar co 4-4 final. O Campito de Chapela encaixou unha contundente derrota na pista do Polideportivo Casas, un rival directo na loita por afastarse da zona baixa da táboa. Na Autonómica Sur derrota para Arealonga e Redondela.

Terceira División
Tallares ABC 4-4 Pazos
Os Talleres ABC IES Coruxo e o Pazos de Borbén repartíronse os puntos no derbi da área de Vigo da Terceira División de fútbol sala, un duelo no que os de Pazos remontaron un 3-0 en contra. A actuación de Luís Carreira, autor de tres tantos nas Roteas, resultou determinante. Os Talleres ABC foi o claro dominador do partido durante a primeira parte, con goles de Gabri, Bruno e Pumu. Con todo, Carreira reduciu distancias no primeiro minuto da continuación e situou ao Pazos de Borbén a un só gol ao asinar o 3-2 no minuto 28. Logo das expulsións de Jonatan Fragueiro e Alexis Rodríguez, os Talleres ABC buscou ampliar a vantaxe e logoruno por medio de Samuel Abalde. Pero o Pazos de Borbén non se rendeu e buscou o empate. Breixo Gutiérrez asinou o 4-3 a algo máis de cinco minutos do final e Luís Carreira erixiuse no gran protagonista do encontro ao marcar o terceiro gol da súa conta particular e o definitivo 4-4 xa no minuto 39. O empate permite ao Pazos de Borbén ser sexto, a tres puntos do conxunto vigués. Na próxima xornada o Pazos recibe ao Rececende, 9º clasificado.
Casas 7-2 Campito
O Campito de Chapela encaixou un contundente 7-2 en casa das Polideportivo Casas, un rival directo na loita por afastarse da zona baixa da táboa. O próximo fin de semana o Campito xoga en Chapela contra o Vilalba. Enfróntanse así o 10º e o 8º da táboa.
Autonómica Sur
Lume 5-1 Arealonga
Os de Chapela perderon cun contundente marcador ante o novo lídera da categoría, e seguen como pechacancelas do grupo. A próxima fin de semana reciben na casa ao Baíña, un dos equipos fortes da táboa, actualmente na 5ª praza.
Valladares 6-3 Redondela
O equipo redondelán plantou cara, por non puido Valladares na súa pista, equipo tamén moi necesitado de puntos para escapar do pozo da táboa. O Redondela F.S pecha a clasificación xunto co Arealonga. A próxima fin de semana reciben ao Mariñamansa, equipo tamén necesitado de puntos para saír da parte baixa da táboa.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *