Hoxe é Luns 30 de Novembro de 2020

Políticos por un día

RR_Noticias

O Multiúsos da Xunqueira acolle este mércores ás 11:00 horas unha sesión plenaria na que os protagonistas serán os nenos. Participará alumnado dos centros de Quintela, Igrexa, Alexandre Bóveda, Laredo, Santa Mariña e tamén os institutos Illa de San Simón e IES Chapela, que se comprometeron a traballar e expoñer diante dos gobernantes municipais, distintos temas que son de interese para todos. Unha actividade enmarcada dentro do proxecto “Redondela, cidade amiga da infancia”.

O Concello vén de iniciar os traballos para lograr que UNICEF recoñeza Redondela coma Cidade Amiga da Infancia, unha distinción que sinala o xeito de atender os dereitos da infancia e o compromiso na defensa das nenas, nenos e adolescentes que, así mesmo, disporán de canles para facer achegas e para participar nas decisións importantes que lles afecten.
Dende o Concello a tenente de alcalde ,María del Carmen Amoedo, e concelleiro de Xuventude, Julio Mougán sinalan que os nenos, nenas e adolescentes teñen dereitos “deben ser consultados sobre as situacións que lles afectan e as súas opinións seren tomadas en conta”, por iso, “dende o Goberno local puxemos en marcha varias iniciativas de participación infantil convencidos de que unicamente coñecendo as súas opinións, intereses e necesidades, poderemos deseñar as actuacións necesarias para darlles resposta, e facer así entre todos que este concello sexa un lugar mellor”.
A primeira das iniciativas consistiu en realizar unha enquisa entre os máis de 400 nenos e nenas participantes no Programa de Conciliación do verán e continua cunha serie de actividades dinámicas nos centros de ensino, de cara a preparar unha audiencia infantil que se realizará con motivo da conmemoración do Día dos Dereitos da Infancia.
Será o mércores ás 11:00 horas no Multiúsos da Xunqueira e neste caso concreto xa confirmaron a súa participación os centros, CEIP Quintela, CEIP Igrexa, CEIP Alexandre Bóveda, CEIP Laredo, CEP Santa Mariña e tamén os institutos, Illa de San Simón e IES Chapela, que se comprometeron a traballar e expoñer diante dos gobernantes municipais, distintos temas que son de interese para todos.
O Goberno Municipal pretende sentar as bases dun futuro órgano estable de participación infantil.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *