Hoxe é Xoves 29 de Outubro de 2020

Chapela e Teis unidos pola supresión da peaxe a e eliminación da contaminación acústica

RR_Noticias

Medio milleiro de veciños concentráronse hoxe na rotonda das Torres de Padín convocados polas asociacións de Chapela e Teis para reivindicar, unha vez máis, a supresión da peaxe en Rande e a conversión en tramo urbano a AP-9 con entrada e saída nese punto. Unha protesta que serviu para lembrar que os residentes nestas parroquias de Redondela e Vigo son os que soportan a maior contaminación acústica de toda a rede estatal e reclamar a adopción de medidas que diminúan o ruído.  A protesta serviu, segundo anunciaron os convocantes, “para que a Consellería de infraestruturas nos convocara a unha reunión logo de meses facendo oídos xordos ás nosas demandas”.

Veciños de Chapela e Teis concentráronse durante media hora na rotonda das Torres de Padín para reivindicar a eliminación da peaxe. Unha protesta que os convocantes cualificaron de “histórica, por ser a primeira vez que ambas as dúas parroquias se manifestan  conxuntamente”. O lugar elixido non era arbitrario, xa que precisamente nese punto é no que entenden debería arrancar o tramo urbano da AP-9 polo que esixen que se habilite unha entrada e unha saída que permita aos veciños de Redondela e Teis empregar esta autoestrada. Neste sentido lembraba Marcial Pérez, da Asociación de veciños de Chapela, que “Redondela e Teis malia padecer o paso desta infraestrutura, non contan cunha circunvalación gratuíta como si sucede en Pontevedra, Santiago de Compostela ou A Coruña”. Escoitáronse críticas cara Audasa e Fomento por non cumprir os seus compromisos de melloras en contraprestación pola ampliación da Autoestrada “seguimos sen melloras nos camiños, no acceso a Trasmañó nin tampouco se ven avances no futuro Colexio de Chapela”. Críticas que lanzaron tamén ao goberno local de Redondela por non convocar a Comisión de Seguimento. Lamentaba Marcial Pérez a ausencia de representantes do goberno na concentración “na prensa din que están a favor da eliminación da peaxe pero non acoden a esta convocatoria” e agradecía a presenza e apoio dos grupos da oposición (PSOE, AER, BNG  e Redondela Pode).  

Marcial Pérez AVV Chapela
Teis e Chapela padecen o paso das infraestruturas e ningunha vantaxe
Chamamento á mobilización
Único xeito de que escoiten as nosas demandas
Anxo Iglesias AVV Teis
Cualificou a protesta de feito histórico
Reacción da Consellería
Un primeiro logro: a convocatoira dunha xuntanza

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *