Hoxe é Sábado 31 de Outubro de 2020

Xornada sobre os incendios forestais en Soutomaior e charla en Pazos

RR_Noticias

A Casa Cultural de Soutomaior acolle o luns ás 19:30 horas unha “Xornada de información e reflexión fronte os incendios forestais” coa intervención do enxeñeiro forestal Xosé Covelo. Unha actividade organizada pola Comunidade de montes desta localidade na que se falará dos pasos a dar para rexenerar o monte queimado, a lexislación vixente nesta materia, a planificación existente contra o lume, as axudas da administración e os proxectos de ordenación. Tamén o luns as once da maña celébrase en Pazos unha charla informativa sobre as axudas destinadas aos afectados polos incendios.

O Concello de Pazos de Borbén convoca aos afectados polos incendios do pasado mes de outubro a achegarse este luns, 13 de novembro ás 11:00 horas ao salón de actos da Casa do Concello, a asistir a unha charla informativa na que se lles explicará ao detalle as axudas publicadas pola Xunta de Galicia. Durante o encontro, técnicos do ente autonómico explicarán aos afectados todo o proceso para solicitar estas axudas, así como a documentación que será necesario achegar.O alcalde de Pazos de Borbén, Andrés Igrexas, destacou a importancia de acudir a esta cita para os responsables das comunidades de montes, de augas, donos de empresas e demais damnificados polo incendio xa que “os técnicos poderanlles aclarar todas as dúbidas que teñan sobre os danos ás súas propiedades”. Do mesmo xeito, lembrou a todos os afectados que teñen á súa disposición unha oficina creada exclusivamente para atender aos afectados e axudalos no proceso de solicitude das axudas e a creación de reportaxes fotográficas dos efectos das lapas nas súas propiedades. 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *