Hoxe é Mércores 28 de Outubro de 2020

Arturo González: “O lume está controlado, pero hai pequenos focos aínda activos”

RR_Noticias

O concelleiro de Interior da por controlado o lume que durante máis de 24 horas afectou ao noso concello, principalmente á parroquia de Reboreda, aínda que os traballos dos servizos de emerxencia continúan nalgún foco “hai que estar atentos e vixiantes neses puntos que non están completamente apagados para evitar que se reactiven”. Na mañá de hoxe un dos puntos de atención era o Camiño Río de Xans no límite entre Reboreda e Quintela e a estrada que comunica o Altos dos Valos con Nespereira.

A auga comezaba a caer na nosa comarca ao redor das cinco da madrugada, unha chuvia feble que serviu para apagar o único lume que a esas horas aínda estaba activo en Reboreda, na zona da Senda da Auga en Santo Paio de Arriba. Precisamente Reboreda, a onde chegou o lume procedente de Pazos, foi unha das parroquias máis afectada polas lapas. Incluso a policía chegou intervir nalgún momento para retirar aos veciños que estaban a colaborar na extinción do lume e evitar posibles danos persoais. Dende o Concello, Arturo González quixo salientar a “intervención exemplar dos veciños, dos servizos e operativos de emerxencias (Grumir, policía, bombeiros e brigadistas) e tamén a solidariedade de moitos que ofreceron comida e bebida aos que estaban a traballar.  

Arturo González Concelleiro de interior
O lume está controlado
Traballo intenso
Agradece a colaboración de todos

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *