Hoxe é Domingo 29 de Novembro de 2020

Arcade confirma a súa baixa na Asociación de Mariscadores pola falta de investimentos

RR_Noticias

A patroa maior de Arcade, Rita Míguez explica que malia achegar o 4% dos seus ingresos a esta Asociación de Mariscadores de a flote que preside Clemente Bastos, eses cartos non se están a traducir en melloras nos bancos marisqueiros. Por ese motivo prefiren deixar o colectivo e destinar ese investimento a actuacións que entenden serán máis beneficiosas para os intereses dos seus mariscadores.

Era unha marcha xa anunciada que se producirá de xeito efectivo no vindeiro mes de novembro, atendendo aos prazos establecidos. O motivo é, segundo explica Rita Míguez “que a Asociación non está a levar a cabo as acción recollidas no plan de explotación como é sementar os bancos que se están explotando”. Unha situación que obrigaba a propia confraría de Arcade a realizar ese traballo de semente imprescindible para que os bancos segan a ser produtivos malia ser un dos pósitos que máis achega económica facía a Asociación. Entenden que ese 4% do seus recursos non están a repercutir en beneficio dos socios da Confraría que tiñan que investir 30.000 euros máis en sementar. Míguez lamenta en parte deixar a asociación “porque pensamos que a unión fai a forza” pero engade que a situación actual lles obriga a tomar esta decisión “os nosos asociados entende que non se está a dar resposta ás súas necesidades así que tes que saír si ou si”. Sobre o plan de explotación que se está a negociar actualmente entende que poderán presentar á Xunta unha única proposta, unha vez que se chegou a un acordo de incluír as súas demandas. Entre as máis importantes recolle Rita Míguez que se elimina o concepto de zona de inverno e zona de verán o que permitirá traballar nos bancos atendendo as necesidades de produción.  

Rita Míguez Patroa Maior Arcade
Explica os motivos que os levan a abandonar a Asociación
A achega do 4%
Unha cantidade que logo non se traducía en melloras para os asociados da confraría
Plan de explotación
Confía en presentar un plan de explotación conxunto

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *