O equipo sitúase na cuarta praza da categoría logo de vencer 26-30 ao Camargo. Un reparto de puntos é o que logrou o Chapela ante o Asmubal Meaño logo de empatar a 26 goles. Na primeira nacional masculina a Sar Plastic Omnium lograba os seus primeiros puntos loco de vencer pola mínima ao Porriño (21-22) e o Rodosa Chapela consolida a súa posición nos postos altos da tábao logo de vencer ao Octavio.
Terceira vitoria consecutiva para a SAR rodavigo que logrou facerse co partido nesta fin de semana no seu desprazamento ao campo do Camargo. 26-30 foi o resultado do encontro que lle asegura as redondelás a cuarta praza da táboa, Un partido que non comezou moi ben para a SAR que ao descanso perdía de tres (15-12). Remontaron na segunda parte ata facerse cos puntos en xogo. Na vindeira semana reciben a un rival directo, o BM Gijón situado no terceiro posto da clasificación
Tamén na División de honra prata feminina milita o Chapela que logrou un reparto de puntos na súa visita ao campo do Asmubal Meaño. Encontro que rematou 26-26 e que sitúa ás de chapela no decimoprimeiro posto. Un posto por baixo está o Lanzarote, equipo que na vindeira semana visita o noso concello.
Primeira nacional masculina
A Sar Plastic Ómnium conseguiu os seu primeiros puntos ao vender pola mínima ao Porriño, pechacancelas do grupo. Un partido disputado o sábado e que rematou co resultado de 21-22. Na décima posición, a SAR ten na vindeira xornada unha cita difícil xa que recibe ao segundo da categoría, o Lalín.
Pola súa banda o Rodosa Chapela logrou unha importante vitoria, tamén pola mínima, ante o Octavio. Fíxoo ademais logo de remontar na segunda parte do partido, tras chegar ao descanso cun marcador en contra de 11-16. Sería Ruben Figueiro o heroe do partido logo de lograr o gol da vitoria a poucos segundos do final.
O Rodosa Chapela mantense na parte alta da categoría, na terceira praza, situación que tentará defender na vindeira semana na súa visita ao campo do Lavadores.
