Hoxe é Xoves 22 de Outubro de 2020

O PSOE de Redondela critica ao goberno local polos atrasos nas citas de Servizos Sociais

RR_Noticias

A edil socialista Digna Rivas denuncia os atrasos de ata tres meses nas citas para os usuarios do departamento municipal de Servizos Sociais en Chapela. Culpa desta situación de colapso á “mala xestión” do goberno local.

O PSdeG-Redondela lembra que o pasado mes de xuño constatou a “deixadez” do executivo popular, que provocaba atrasos nas citas pola falta de persoal en Chapela, así como na tramitación de axudas de emerxencia social. Por outra, advertían que coas vacacións de verán a situación agravaríase, “como agora se constata”, segundo apunta Rivas. Unha situación que, segundo o grupo socialista, levou aos veciños a facer efectivas as súas queixas “a través do rexistro do Concello ante a falta de xestión do goberno local”. Para a edil do PSOE resulta “indignante” que a ciudadanía que está a pasar “momentos dificiles” teña que sofrir “meses de espera” para arranxar situacións graves que atravesan moitas familias e que precisan unha resposta “urxente”. O que parece estar esquecendo a concelleira de Servizos Sociais, e actualmente Alcaldesa accidental, María del Carmen Amoedo é que estase a falar de dereitos sociais. Lamenta que a concelleira de Servizos Sociais, Carmen Amoedo, “xogue cos dereitos das persoas” cando a axuda da administración deben realizarse “no menor tempo posible”.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *