Hoxe é Domingo 25 de Outubro de 2020

Soutomaior celebra a IV Festa da Familia con inchables, tobogán acuático e festa da espuma

RR_Noticias

O Peirao de Arcade encherase esta tarde de xogos e actividades na IV Festa da Familia organizada polo Concello de Soutomaior. Unha tarde na que non faltará a clásica festa da espuma para nenos e maiores, castelos inchables e atraccións mecánicas e acuáticas, ademais de moita música.

A festa comezará a partir das 17:00 horas na chaira do Peirao de Arcade, onde se instalarán as atraccións inchables e acuáticas, como as de Harry Potter ou o barco pirata. Ao seu lado, ata tres atraccións acuáticas axudarán a soportar mellor a calor do verán. Os maiores contarán este ano cunha proposta específica para eles, o divertido xogo da varredora mecánica, onde terán que pór a proba a súa astucia para librarse da caída. Todas as atraccións contan con música e monitores especializados. Como todos os anos, outra boa forma de refrescarse será a tradicional festa da espuma, sobre todo para os adultos que tamén poderán gozar cos seus fillos debaixo do canón de burbullas. Con esta actividade porase punto e final ás máis de 4 horas de diversión en familia.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *