Hoxe é Martes 27 de Outubro de 2020

O PSdeG redondelán demanda que se execute o plan integral do porto de Cesantes

RR_Noticias

O concelleiro Leonardo Cabaleiro lamenta que a actuación de Portos de Galicia se limite a unha mellora no pavimento do actual dique, en lugar derribalo para construir un pantalán flotante, como contempla o proxecto inicial. Os socialistas denuncian o incumprimento da Xunta de Galicia con Cesantes.

O PSdeG-Redondela advirte que Portos de Galicia “esqueceu” o proxecto de mellora prometido en varias ocasións á veciñanza. Lembran que en xaneiro de 2011 o organismo presentou en Cesantes un programa de investimentos na zona portuaria. Tratábase do Plan para a remodelación integral do Porto de Cesantes. De todas as actuacións proxectadas destacaba “a demolición do dique actual e creación dun dique aboiante”. Ademais se contaría cun edificio de servizos náutico recreativos co que se ampliaría a dimensión de actividade do porto redondelán. A comezos deste 2017 anunciouse un estudo de mareas que sería presentado a veciñanza para minimizar o efecto das correntes mariñas no entorno do porto. Denuncian que agora o único compromiso da Xunta de Galicia é facer pequenas obras no actual dique, coa mellora do firme e a substitución de valos. O edil socialista Leonardo Cabaleiro declara “esta é unha proba máis de que o Partido Popular presentou este proxecto como propaganda electoralista” e agora “renuncia” ao proxecto de mellora integral do Porto de Cesante. Engade Cabaleiro que a falta de xestión do goberno local “volve a perxudicar aos veciños de Cesantes” que seguen á espera dunha mellora “moi necesaria” para esa zona portuaria.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *