Hoxe é Xoves 29 de Outubro de 2020

Chapela arranca a temporada de traíñas no Grove

RR_Noticias

Esta fin de semana comeza a competición na modalidade raíña do remo, a traiñeira. O C.R. Chapela participará xunto co resto de clubs galegos na presentación da LGT que se celebra mañá sábado no Grove. A primeira proba puntuable será o domingo en Coruxo.

En augas mecas disputarase a primeira proba tanto na LGT A, na que participan os redondeláns, como a Liga B, ademais da Liga Feminina, que este ano conta coa participación de seis embarcacións, entre eles a de Chapela. Julio Prado, presidente do club, afirma que comezan esta temporada de traíñas con moita ilusión, e confía en gozar da festa do remo que mañá se celebra no Grove a partires das 17.00 horas. As regatas da inauguración non serán puntuables. O domingo comezará a competición real na LGT A coa XXV Bandeira Concello de Vigo, que organiza o C.R. Coruxo, e que arrancará ás 12.00 horas. A primeira das probas puntuables na Liga Feminina será o 1 de xullo, xunto coa probla de LGT A, na VI Bandeira Salgado Conxelados que organiza o club Perillo. Será unha temporada longa e moi competitiva a deste ano, que se prolongará ata o 27 de agosto. Unha liga para a que os deportistas de Chapela se prepararon previamente, cos bateis e as traiñeiriñas. Prado fai un balance positivo das embarcacións pequenas, sobre todo na categoría feminina, coa clasificación para o campionato de España.

Julio Prado pesidente do C.R.Chapela
O sábado preséntase a LGT no Grove e o domingo será a primeira regata puntuable en Coruxo.
Balance temporada
Prado valora dun xeito positivo a temporada de bateis e traiñeiriñas coa participación do club no Campionato de España.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *