Hoxe é Martes 1 de Decembro de 2020

A Festa dos Fachos volve iluminar A Peneda

RR_Noticias

A parroquia do Viso acolle este sábado unha nova edición da Festa dos Fachos co percorrido habitual, a fogueira e a popular queimada co mestre Noe Massó. Nesta edición a invocación correrá a cargo do antropólogo Rafael Quintía. A saída está prevista para as 23:30 horas dende o cruce da estrada do Viso coa que leva A Peneda e unha hora antes xa se poderán adquirir os fachos que alumearán na ascensión ao monte.

O ascenso é de 1.500 metros ata a zona da sobreira da Peneda, a escasos metros do cumio. O percorrido é doado por unha estrada asfaltada. O chegar alí, procedérase a lectura da invocación a cargo de Rafael Quintía, presidente da Sociedade Antropolóxica Galega. Nos instantes finais é habitual a chegada do espírito de Pedro Madruga polo recinto da festa para facer a “purificasion” e, a continuación, Noé Massó realizará a habitual queimada máxica. Sempre e o momento máis esperado da noite pola súa espectacularidade e, tamén, polo humor deste bruxo que non deixa indiferente a ninguén. Rematará a Festa dos Fachos co reparto de rosquillas de Ponteareas para acompañar á queimada. Os asistentes poderán gozar dun entorno espectacular no linde entre os concellos de Redondela e Soutomaior cunhas vistas de toda a Ría de Vigo e nunha ubicación que acolleu poboado castrexo, viviu as guerras medievais de Pedro Madruga e foi cristianizado coa construción da capela na Idade Moderna. Os organizadores da Festa dos Fachos reclaman un ano máis unha adecuada protección e posta en valor da Peneda con medidas eficaces para combater a súa destrución sistemática e tamén a recuperación dos elementos naturais.    

Rafael Quintía antropólogo
Fala da orixe de festas como a dos Fachos
Manifesto reivindicativo
Insistir na necesidade de coidar espazos como a Peneda

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *