Hoxe é Xoves 29 de Outubro de 2020

Manuel Conde: “O respecto e o agarimo da xente é a mellor distición”

RR_Noticias

O Diario Oficial de Galicia vén de publicar a concesión a Manuel Conde Docampo, coñecido como “Manolo Casa Paco”, a distinción ao mérito deportivo na edición deste ano. Unha distinción da que recoñece sentirse “orgulloso”, malia que afirma que para el o maior premio á súa traxectoria como promotor do deporte base é a amizade e o agarimo da xente.

Manuel Conde recollerá o xoves en Noia a distinción ao mérito deportivo, un galardón que entrega anualmente a Secretaría Xeral para o Deporte. O hostaleiro redondelán, agora xubilado, dedicou gran parte da súa vida á promoción do deporte base, coa creación do grupo Casa Paco 81. Recoñece a satisfacción que lle achega este galardón, malia que para el o mellor premio é “o agarimo da xente”. Do Grupo Casa Paco, que é todo un referente da canteira do fútbol galego, saíron nomes como o do xogador Pablo Couñago ou Iago Bouzón. Dous referentes do fútbol galego dos que afirma sentirse moi orgulloso. Na actutalidade o grupo conta cunha ducia de equipos nas diferentes categorías do fútbol base, nos que participan uns 200 xogadores. E para Conde o máis importante é seguir fomentado o fútbol entre os máis pequeos coa filosiía do Casa Paco 81 “deporte, convivencia e amizade”, como unha gran labor social. Recentemente o grupo celebrou o seu 35 aniversario cunha ampla exposición sobre a súa traxectoria, onde se recollían fotografías, os trofeos acadados, así coma equipaxes, bandeiras e a súa mascota.

Manuel Conde Docampo
A súa maior satisfacción é o recoñecemento da xente ao seu labor.
Labor social
O Casa Paco promove o deporte a amizade e a convivencia entre os rapaces.
Éxitos
Do Casa Paco saíron xogadores como Pablo Couñago ou Iago Bouzón.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *