A cita, organizada polo xornal A Nova Peneira, contará coa presenza de representantes de todos os grupos políticos con presenza na corporación así como da asociación de empresarios e a asociación de afectados pola ampliación da autoestrada. O debate celébrase este martes día 23 ás 20:00 horas no Multiúsos da Xunqueira.
Ao longo de dúas horas establecerase unha charla-debate coa intervención de Carmen Amoedo (PP) Eduardo Reguera (PSOE) Roberto Villar (AER) Xoán Carlos González (BNG) Joshua Rodríguez (Grupo de traballo municipal) Enrique Lago (presidente da Asociación de empresarios) e Francisco Puch (Asociación afectados pola AP-9) e analizarase a incidencia que a AP-9 causa sobre o noso concello.
