Hoxe é Xoves 16 de Setembro de 2021

A película “Visións” do proxecto Cinema e muller chega a Redondela

RR_Noticias

A sede da Asociación de Mulleres Agarimo de Chapela acolle este mércores ás 17:30 horas a proxección da película colaborativa “Visións” elaborada ao amparo do proxecto Cinema e Muller da Deputación de Pontevedra. Unha película na que participan activamente dez mulleres cineastas da provincia abordando diferentes cuestión dende a intimidade, o corpo feminino, o día a día da creadora audiovisual ou a dificultade de conciliar, entre outras temáticas.

Nesta película participan as creadoras Carla Andrade, Bego Santiago, Carme Nogueira, Eva Calvar, Sonia Méndez, Andrea Zapata, Lara Bacelo, Olaia Sendón, Diana Toucedo e Claudia Brenlla. “Visións”, realizada en dous meses inclúe dez mini-curtametraxes de entre 3 e 12 minutos. Dende a Concellaría de Muller e Igualdade convidan a veciñanza a achegarse a esta proxección nun acto que contará tamén coa produtora e comisaria do proxecto, Xisela Franco.
A proxección terá lugar o vindeiro mércores 26 de abril, ás 17,30 horas, no local da Asociación de mulleres Agarimo de Chapela.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *