Hoxe é Venres 30 de Outubro de 2020

Redondela competirá con catro bateis no Campionato Galego que se celebra en Meira

RR_Noticias

As augas de Moaña acollerán unha proba autonómica con moita presenza redondelá. Serán tres barcos do C.R.Chapela das categorías xuvenil e absoluta feminina e alevín masculina, e un cuarto do club de Cesantes de xuvenil masculina. En Chapela destacan as opcións das embarcacións femininas, que confían clasficar para o Campionato de España que se celebrará en Biscaia.

O presidente do club, Julio Prado, destaca o bo estado de forma do batel feminino absoluto, que foi prata no Campionato Territorial Sur, no que se impuxo Mecos por un segundo de diferencia. O club de Chapela tamén clasificou o batel xuvenil feminino, que foi terceiro na regata provincial, e ao alevín masculino, que foi segundo. As clasificatorias da regata autonómica serán o sábado en augas de Meira, Moaña, e as finais o domingo. O club de Chapela parte con opcións, sobre todo nas categorías femininas, onde a entidade está a facer unha aposta decidida nos últimos anos. Prado confía en que as deportistas se clasifiquen para o Campionato de España, que se celebra os días 29 e 30 de abril, en augas do Nervión en Sestao, Biscaia. Entende que o batel con máis opcións será o absoluto, un barco xa consolidado nas últimas temporadas e que estivo a colleitar bos resultados na liga territorial. No campionato galego desta fin de semana estará tamén o C.C.D. de Cesantes co batel xuvenil masculino. As regatas clasificatorias comezarán en Meira o sábado ás 17.00 horas. Clasificaranse para a final os dous mellores de cada quenda, e o mellor tempo dos terceiros en cada unha das categorías. As finais disputaranse o domingo a partir das 11.00 horas.

Julio Prado presidente C.R. Chapela
O batel absoluto feminino pelexou atao o último segundo polo título provincial con Mecos.
Campionato galego
O club de Chapela conta con moitas opcións no campionato autonómico e confían en clasificarse para a proba estatal.
Remo feminino
O club redondelán foi pioneiro na aposta polo remo feminino.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *