Hoxe é Sábado 15 de Maio de 2021

O regreso das lontras aos ríos de Redondela

RR_Noticias

Un veciño da zona do Salgueiral, Agustín Lobera deixou constancia do regreso deste animal aos ríos do concello. Concretamente trátase dun individuo de gran tamaño que percorre o río Maceiras na procura de alimento. Dende o Concello salientan a presenza de lontras nos nosos ríos como “un claro síntoma de que as medidas que se están impulsando dende o goberno para recuperar a zona están tendo bo resultado xa que a lontra é unha especie que só vive en ecosistemas naturais non contaminados”.

A lontra é un animal carnívoro que se alimenta de peixes e outras especies acuáticas que capturan baixo a auga grazas a súa capacidade para aguantar moito tempo mergullados, ademais, axuda a regular e manter o ecosistema nas zonas onde viven.
Dende a concellería de Medio Ambiente afirman que a súa presenza é unha mostra do bo traballo que se están a facer nestes ríos xa que a lontra “vive en ecosistemas naturais non contaminados polo que resulta un bo indicativo da calidade de auga e da limpeza do entorno”.
Lembran que nos últimos seis anos realizaron numerosas campañas de limpeza eliminando gran cantidade de lixo das súas beiras e da súa canle coma restos de obras, rodas de vehículos, envases ou bolsa de plástico altamente contaminantes.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *