Hoxe é Xoves 26 de Novembro de 2020

Propoñen que os 220.000€ que custará a senda peonil de Pazos se invistan noutras actuacións

RR_Noticias

Alternativa veciñal de Pazos de Borbén amosa a súa disconformidade co investimento de 220.000 euros na construción dunha senda peonil entre Amoedo e Pazos por entender que se trata dunha actuación innecesaria ao seren poucas as persoas que fan este percorrido e pé e por existir entre as dúas parroquias un tramo da antiga estrada en desuso que pode ser empregado para camiñar ou circula en bicicleta e cuxo acondicionamento requiriría dun mínimo investimento.

Pola contra, aseguran que hai infraestruturas que si son intensamente utilizadas por veciños e veciñas de Pazos de Borbén e que presentan unhas condicións e/ou un estado de conservación deplorable. Concretamente, o centro de saúde e o colexio público, que precisan con urxencia que se invista neles.
No caso de que o obxecto sexa mellorar a seguridade viaria propoñen que os cartos previstos pola Xunta para esta obra se destinen a reformar a estrada entre Amoedo e Os Valos que soporta un elevado tráfico (gran parte del de vehículos pesados), presenta un firme nun estado lamentable, é estreita, carece de beirarrúas…, e discorre, en gran parte do seu traxecto, polo medio das parroquias de Nespereira e Cepeda.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *