Hoxe é Venres 30 de Outubro de 2020

O BNG abre a súa sede para atender aos afectados polo “catastrazo”

RR_Noticias

Estímase que serán ao redor de 4.000 as propiedades afectadas pola revisión do catastro en Redondela. Unha situación que está a desbordar o servizo de recadación “onde se está dando cita para dentro de dúas semanas cando o prazo para alegar é de tan só 15 días”. Ante esta situación o BNG abre o seu local na Praza da Constitución de luns a venres en horario de 18:00 a 20:00 horas, para informar e asesorar a veciñanza afectada. Esixen ao PP que cumpra o acordo plenario no que se aprobou abrir unha oficina de asesoramento en Chapela.

Explican os nacionalistas que son numerosas as consultas dos veciños que están a recibir a notificación do catastro. O primeiro que buscan é información sobre a propia notificación xa que na mesma só figura unha clave de acceso para acceder a páxina electrónica do catastro e unha taxa de 60 euros. Pero tamén teñen detectados erros como medicións a alza, valoracións excesivas, erros na titularidade das parcelas ou catalogación de alpendres como almacéns de uso urbano. Os afectados, ademais de ter que pagar a multa correspondente e que ascende a 60 euros, verán no futuro incrementada a taxa do IBI e incluso o catastro podería reclamarlles cantidades importantes con carácter retroactivo. Por este motivo animan aos veciños a achegarse a súa sede a informarse así de como presentar as alegacións correspondentes no caso de que teñan dereito. Explica o responsable local do BNG, Anxo Lusquiños que decidiron dar este servizo “coñecedores de que o servizo de recadación está desbordado, dando cita ata dúas semanas vista, cando o prazo de alegacións é de tan só 15 días”. Responsabilizan desta situación ao goberno local “por non cumprir o acordo plenario aprobado cos votos da oposición, no cal se instaba o goberno local a abrir dúas oficinas para informar e asesorar aos veciños e veciñas afectados, unha en Redondela e outra en Chapela”.  

Incumprimento do acordo plenario
Critican ao PP por incumprir unha vez máis o que se aproba en pleno
Anxo Lusquiños BNG
Uns 4.000 afectados
Erros detectados
Afectarán ao que os veciños terán que pagar no futuro

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *