Hoxe é Luns 26 de Outubro de 2020

O Entroido resiste en Redondela e comarca

RR_Noticias

O enterro do Berete en Chapela, as Madamas e Galáns de Cabeiros, festas infantís e bailes nocturnos en Cedeira e Cesantes forman parte do programa do Entroido que se resiste a morrer en Redondela. Tamén Soutomaior celebra o domingo o desfile de Entroido coa participación de 18 comparsas. Fornelos pola súa banda organiza esta tarde unha festa de carnaval, con comparsas e concurso de disfraces.

CHAPELA Unha das actividades máis salientables da fin de semana terá lugar en Chapela, parroquia que vivirá o sábado o enterro do berete, cun desfile que partirá ás sete da tarde dende o Alto da Encarnación e que se espera, se o tempo o permite, que sexa o máis multitudinario dos últimos anos xa que hai confirmada a presenza de 16 comparsas. A comitiva percorrerá a Avenida de Vigo en dirección a Praia de Arealonga, lugar no que terá lugar a queima do berete ao redor das nove da noite.   CABEIRO Cabeiro celebra o Entroido máis tradicional con Madamas e Galáns Unha tradición que se remonta a décadas atrás e que tería a súa orixe, segundo explica o secretario do Centro Cultural, Amante Romero, na rivalidade existente entre dúas tabernas da parroquia  que no Entroido competían por ter as mellores actuacións e os mellores danzantes. Dende hai sete anos a directiva do centro traballa en recuperar esta tradición, motivo polo que organiza o sábado un festival que inclúe un desfile de Madamas e Galáns a partir das 17:30 horas polo centro da parroquia. Ás 19:30 organizan tamén o tradicional baile de disfraces co dúo Sensación e o sorteo de cestas con produtos típicos da época.   CEDEIRA O Centro cultural de Cedeira celebra o sábado 4 a partir das 17:00 horas un baile infantil de Entroido para os máis pequenos con agasallos para os mellores disfraces.   CESANTES O centro cultural desta parroquia celebra tamén un festival de Entroido para nenos o sábado 4 a partir das 17:00 horas e un baile de adultos que arrancará ás dez da noite.   FORNELOS O Concello de Fornelos de Montes celebra hoxe venres o día grande do Entroido co desfile de comparsas, a partir das 17.00 horas, na Praza do Concello. Tamén inclúe un concurso se disfraces con premios en metálico nas categorías de individual, parellas e grupos, ademais de agasallos e sorpresas para todos os nenos que acudan disfrazados. En total repartiranse 630 euros en premios entre todos os concursantes. A festa estará amenizada pola charanga Charandonga e rematará cunha verbena coas orquestras La Noche e Prisma.   SOUTOMAIOR O Concello  de Soutomaior celebra este domingo día 5 a partir das 17,00 horas en Arcade  o seu Desfile de Comparsas coa participación dun total de 18 agrupación que partirán da avenida Xosé Solla, pasando por Rosalía de Castro e terminando na Alameda Talo Río onde haberá unha festa con orquestra ata o dez da noite. O tráfico estará pechado nesas rúas dende as catro da tarde. Entre as participantes estarán as locais da Asociación Cultural Miudos, Asociación Cultural Moreira a lume de biqueira e As Marchosas de Arcade. Dentro das demais comparsas figuran , entre outra, as que virán desde Pontesampaio,Poio, Marín, Redondela,  Mos, Salceda, etc. O número máximo de fantasías participantes no desfile era de 15,  pero ante a entrada de moitas solicitudes de participación no desfile ampliouse a 18.  

Enterro do berete
Angela Antón edil de festas
Madamas e galáns
Amado Romero fálanos da actividade que se vai desenvolver en Cabeiro

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *