Hoxe é Venres 22 de Xaneiro de 2021

Concerto de La banda morisca no Auditorio da Xunqueira

RR_Noticias

As entradas para este concerto, enmarcado dentro do programa da Rede de Músicas Soltas están xa a venda no Multiúsos a un prezo de 7 euros público en xeral, 5 euros entrada reducida para menores, desempregados e xubilados. A banda gaditana, que actuará o domingo 5 ás 21:00 horas, presentará  o seu último traballo: “Algarabya”.

Terceira cita coa Rede de Músicas Soltas de Redondela, desta volta con La banda morisca un proxecto que nace da experimentación, innovación e investigación nas tradicións andaluzas. A recuperación do patrimonio literario e musical da antiga al-Andalus e da franxa mediterránea é a peza clave na consolidación deste proxecto. 
A formación e a traxectoria dos seus componentes, así como as ganas de seguir innovando e a súa creatividade compoñen unha identidade artística única no terreo da música folque e de raíz.
La Banda Morisca está afincada en Cádiz, onde levan cinco anos e dous traballos discográficos. O que nos veñen presentar a Redondela é o último deles: “Algarabya”.
O programa da Rede de Músicas Soltas está organizado pola Central Folque en colaboración coa Concellería de Cultura
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *