Hoxe é Martes 27 de Outubro de 2020

Luis Segura: Detrás da corrupción hai personaxes sinistros como Morenés, Aznar ou o Rei Juan Carlos

RR_Noticias

Arrestado e apartado do exército, o que fora tenente do exército de terra Luis Gonzalo Segura non está disposto a calar e segue denunciando a existencia de prácticas corruptas na cúpula das Forzas Armadas. “Fraudes, acoso, contratos irregulares, contratacións que se fraccionan para adxudicalas a empresas concretas a cambio de contraprestaccións…” situacións todas elas que se producen “pola total ausencia de órganos de control e a inoperancia da xustiza militar”. De todo isto fala no seu último libro “Código rojo” que presenta este venres no Multiúsos da Xunqueira, nun acto aberto que arrancará ás 19:00 horas.

As súas declaracións públicas en torno á corrupción existente no exército provocaron o seu arresto primeiro e a súa expulsión do exército despois. Unhas consecuencias que lonxe de amedrentalo fan que se reafirme nas súas denuncias que recolle no libro “Código rojo” que este venres presenta en Redondela. Ademais de falar das irregularidades que se producen no exército “sobre todo nas contratacións” denuncia tamén a existencia de grupos de poder e personaxes sinistros como Morenés, Aznar ou o Rei Juan Carlos que se benefician de que o exército siga a ser un organismo opaco e anacrónico”. E como exemplo de todo o que se fai mal fai referencia ao caso do Yak “que segue sen ningún condenado polas contratacións duns avións que non garantían a seguridade da tropa”. Denuncia tamén que dende que presentara as primeiras denuncias, hai cinco anos, non se teña adoptado ningunha medida para limpar o exército e pola contra se teñan adoptado medidas que só buscan reducir a liberdade de expresión e acalar as súas críticas.  

Luis Gonzalo Segura ex tenente do exército
Apartárono do exército por denunciar casos de corrupción
Grupos de poder
Estarían detras das corruptelas
Accidente Yak-42
Un exemplo de que a xunstiza non actúa ao seu entender
Castigo exemplarizante
A súa expulsión do exército serve para desanimar aos que estiveran pensando en denunciar

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *