Hoxe é Martes 24 de Novembro de 2020

O pleno reproba a Javier Bas por abandonar a asemblea da área metropolitana

RR_Noticias

A corporación municipal de Redondela reprobou ao alcalde a petición do BNG por “abandonar a Asemblea Constituínte da área Metropolitana, en contra dos intereses dos e das redondelás”. Os socialistas cualificaron o feito como “lamentable” e os membros de AER puxeron o acento no feito de que o rexedor non asista tampouco ás xuntas de goberno do ente “nas que debería estar defendendo os intereses dos redondeláns”. Os populares deféndense asegurando que precisamente “por defender os intereses dos veciños a oposición en bloque únese para reprobar ao alcalde”.

O edil nacionalista Xoán Carlos González sinala que Javier Bas na vez de defender os intereses dos redondeláns “o único que fai é acatar o mandato do seu partido” en referencia ao acontecido na asemblea constituínte da Área Metropolitana á que asistiron 14 rexedores e un total de 53 edís de oito forzas políticas e na que “o total de representantes do PP, co alcalde de Redondela, Javier Bas, á fronte, decidiron abandonar o plenario”, argumentando que Vigo debería entrar “de inmediato” no transporte metropolitano. Todos os grupos da oposición sumáronse a esta reprobación engadindo AER que é unha irresponsabilidade do PP de Redondela non só abandonar ese pleno senón tamén non asistir ás xuntas de goberno posteriores “nas que debería estar presente para defender os intereses dos veciños de Redondela e as encomendas do pleno”. Dende o PSOE acusan aos populares de “dinamitar a asemblea”. Aseguraba Eduardo Reguera que “debe ser a primeira vez na que se produce algo semellante, que na creación dunha institución parte dos seus representantes a abandonen”, un feito que cualificou de “antidemocrático” Dende o PP insisten en que “a oposición reproba ao alcalde por defender os intereses de Redondela”.  

Xoán carlos González BNG
A petición de reprobación chegou dos nacionalistas
Ricardo Figueroa AER
Solicitaron ampliar os motivos da reprobación
Eduardo Reguera PSOE
Cualificou o acontecido na asemblea como tiuinte como lamentable
Carmen Amoedo PP
Defende a postura do seu partido

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *