Hoxe é Domingo 25 de Outubro de 2020

O balonmán redondelán deixa a súa pegada no Campionato de España celebrado en Cataluña

RR_Noticias

A presenza redondelá foi moi numerosa neste campionato de España de Selección Autonómicas, con seis xogadores nas diferentes categorías vestindo a camiseta da selección galega. Salientar tamén os éxitos dos adestradores Samuel Iglesias, que acadou a prata ao fronte da selección galega xuvenil masculina e as tamén redondelás Carla Abad, adestradora da selección galega infantil feminina que acadou o bronce.

O concelleiro de deportes Julio Mougán entregou no acto os diplomas aos cinco deportistas da categoría infantil, cadete e xuvenil feminino da SAR que viaxaron ata esta proba así como a dous técnicos da categoría infantil feminina do club de balonmán de Chapela e un técnico da categoría xuvenil masculina. Todos eles participantes redondeláns no Campionato de España de Seleccións Autonómicas en Cataluña, celebrado entre o 2 e 7 de xaneiro, representando a Galicia. Xogadores das categorías infantil, cadete e xuvenil feminino e masculino con presenza de xogadoras do equipo de Chapela (Anxo Fontán Gabriel) e da Sar (Sandra Fernández Couñago, Goretti Miguel Crespo, Lara García García, Carolina Míguez Baquero e Carmen Fernández Veloso) e os técnicos Sara García Migueles e Carla Abad de Infantil Feminina e Samuel Iglesias de Xuvenil Masculino. Uns adestradores que manifestaban a súa confianza na base do balonmán local e aplaudían o feito polos seus pupilos nos campionato de España.  

Samuel Iglesias adestrador
Responsable da selección xuvenil masculina
Carla Abad adestradora
Técnica da selección galega infantil feminina

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *