Os lectores votarán, nas urnas situadas para a ocasión na Biblioteca Municipal de Redondela e na Axencia Municipal de Lectura de Chapela, polo seu libro preferido dentro da produción editorial deste ano: libros que se publicaron de xaneiro a decembro de 2016, en calquera lingua e dentro de calquera xénero literario. A consulta, que comezou o día 1 de decembro, pecharase o 9 de xaneiro de 2017 ás 20.00 horas.
Entre os participantes, tanto infantís como adultos de cada biblioteca, farase o sorteo dun exemplar do libro que teña recibido máis votos, O único requisito para participar é ser socio das bibliotecas.
O resultado darase a coñecer o 13 de xaneiro a través das redes sociais e do blog das bibliotecas e doutros medios de comunicación.
