Hoxe é Sábado 28 de Novembro de 2020

A piscina de Chapela sairá a concurso logo de rexeitar o pleno prorrogar a concesión a Aqualia

RR_Noticias

A xestión do centro deportivo de Chapela, actualmente en mans da empresa Aqualia, queda pendente dun novo concurso que previsiblemente será convocado no prazo de seis meses. Así o adiantaba a edil popular, Carmen Amoedo logo de que o pleno rexeitase prolongar o contrato durante tres anos máis a actual concesionaria. A oposición amosou a súa aposta por unha remunicipalización do servizo ou un novo concurso que mellore as condicións actuais rebaixando os 70.000 euros que ten que achegar o concello.

A proposta do goberno local pasaba por prolongar durante tres anos máis a concesión da piscina municipal de Chapela á empresa Aqualia, responsable da súa xestión dende o 2013 logo de fracasar dúas veces a súa adxudicación. Precisamente a falta de interese por parte das empresas para optar a esta xestión foi o argumento esgrimido polos populares para defender a prórroga á actual concesionaria. Pola contra o BNG lembraba que “se Aqualia quere seguir xestionando o servizo é porque da cartos”. Un servizo non deficitario que espertaría o interese doutras empresas e permitiría mellorar as condicións actuais, nas que o Concello ten que achegar 70.000 euros anuais. Tamén os socialistas defendían un novo concurso “ante a imposibilidade de remunicipalizar o servizo” pola lei estatal que impide aos concello contratar persoal. Mauro Alvarez criticaba que a concesionaria “non estea a cumprir coas súas obrigas no mantemento das instalacións”. Dende AER votaron tamén en contra da prórroga e puxeron sobre a mesa a posibilidade de que a xestión se non é directa dende o concello a faga unha cooperativa ou se exploren outras fórmulas. En todo caso, rexeitada a prórroga a Aqualia todo apunta a un novo concurso no prazo de seis meses, unha vez remate a contrato actual.  

Xoán Carlos González BNG
Solicita a remunicipalización do servizo
Ricardo FIgueroa AER
Explorar a fórmula da cooperativa
Mauro Alvarez PSOE
Sacar a concurso en condicións máis vantaxosas
Carmen Amoedo PP
Remunicipalizar como sinónimo de utopía

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *