Hoxe é Luns 20 de Setembro de 2021
History
Stations
NOTHING FOUND!

O PSdeG denuncia o abandono da área recreativa da Moucheira en Reboreda

RR_Noticias

A maleza de máis de dous metros fai o lugar intransitable. Trátase dun espazo de 4.000 metros cadrados en Asnelle de Arriba que fora recuperado hai unha década co investimento de 60.000. Explican os socialistas que o lugar “posuía unha praia fluvial grazas a unha pequena presa, barandas, fonte, escaleiras de acceso e mesas con bancos de madeira actualmente en total abandono”. Xa no 2013 reclamaran medidas ao goberno local para paliar esa situación.

Os socialista explican que na actualidade o lugar sofre “un estado de total abandono que permite ás plantas invasoras afogar as especies alóctonas plantadas hai 10 anos” xa que “a maleza de máis de dous metros deixa practicamente os 4.000 metros cadrados intransitables xa non queda area na praia fluvial senón un cúmulo de pedras e a pequena presa nin posúe o mecanismo de abrir e pechar”. Acusan ao PP de “ser coñecedor e cómplice da situación xa que coñecen perfectamente o estado deste lugar, sendo a mesma concelleira de Vías e Obras quen ordenou retirar as máis de nove mesas con bancos da zona para poñelos noutros sitios da vila”.
Finalmente, declara o edil socialista Leonardo Cabaleiro “o goberno do PP non pode esixir á veciñanza que manteña as fincas limpas cando eles mesmo abandonan zonas do concello, poñendo en risco de incendio á poboación” engade “non podemos permitirnos perder zonas verdes e menos aínda deixalas abandonadas ata destruír toda a inversión realizada”.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *