Hoxe é Mércores 4 de Agosto de 2021

As algas invaden a zona de marisqueo e poñen en perigo a supervivencia da ameixa

RR_Noticias

As mariscadoras solicitan a axuda do concello para buscar unha solución a un problema que afecta e que está a provocar a mortandade da ameixa: a invasión de algas. A presidenta da agrupación de mariscadoras, Alicia Alvarez, explica que elas mesmas encárganse das labores de limpeza para retirar as algas acumuladas e evitar que afecten a produción, pero que precisan dun contenedor no que depositar esas algas unha vez retiradas do mar. Trasladaron xa esta petición ao concello pero a resposta foi negativa.

O colectivo, integrado por un total de 135 mariscadoras, ademais de traballar na extracción de marisco realiza labores de retirada das algas que se acumulan nos bancos marisqueiros poñendo en perigo a pervivencia da ameixa. A día de hoxe a única opción que teñen “é acumular as algas no mar baixo unha rede ata que podre”. Con todo, esa non é unha solución viable en todas as zonas motivo polo que xa trasladaron ao Concello unha petición para que dende a Concellería de Mar poñan a súa disposición un contenedor para que poidan depositar estas algas. Unha vez cheo este contedor, o departamento municipal de Medio Ambiente encargaríase da súa retirada e posterior eliminación “do mesmo xeito que actualmente se fai coas algas que se retiran das praias”. Unha petición que foi rexeitada dende o Concello motivo polo que as mariscadoras tentarán reunirse cos grupos políticos “para ver se entre todos atopamos unha solución”.  

Alicia Alvarez presidenta mariscadoras
Un problema que afecta aos bancos mariqueiros
Un contenedor de recollida
Unha solicitude que lle trasladaron ao concello

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *