Hoxe é Domingo 25 de Outubro de 2020

Arealonga vivirá o San Xoán con tres días de festa e un mercadiño solidario

RR_Noticias

A Asociación de empresarios en colaboración co concello revitalizan esta celebración que se desenvolverá entre o xoves e o sábado na Praia de Chapela. O programa inclúe música, animación e actividades deportivas. A noite de San Xoán estará animada polo grupo Troula, compañía encargada do espectáculo da queima do meco que se realiza no martes do entroido.

A Asociación de Empresarios de Redondela conxuntamente co Concello, organizarán dun xeito especial e durante 3 días a festa do San Xoán con diversas actividades que se desenrolarán na Praia de Arealonga en Chapela. Os festexos comezarán o xoves 23 ás 18:00 horas coa programación desta xornada que contará co espectáculo de animación a cargo do Compañía Troula Animación baixo o título de “Errantes” que dará paso a partir das 00:00h á esperada fogueira de San Xoán para iniciarse unha noite máxica na Praia de Arealonga e que continuará cunha sesión de DJ´s na propia Praia. A fogueira volverá arder na Praia e para evitar estragar a area, convídase aos veciños a levar madeira e mobles “iso si, sen cravos”. Con todo, a achega máis importante é a xa feita pola Comunidade de montes da parroquia encargada de fornecer esa cacharela de material. Grazas a iniciativa de diversos colectivos veciñais foi posible deseñar unha ampla variedade de actividades complementarias que converterán a Praia de Arealonga nunha cita obrigada nesta festividade de San Xoán que contará con actividades como: un espectáculo de Flyboard, unha concentración popular de gaiteiros, un Mercadillo Popular Solidario, onde o troco, a compra e venta de produtos de segunda man serán os protagonistas. Durante todo o fin de semana tamén poderase gozar do VI Campionato Galego de Balonmán Praia organizado polo Club Balonmán Chapela que xuntará aos mellores equipos de balonmán Praia de Galicia. A festa de San Xoán está organizada polo Concello de Redondela e a Asociación de Empresarios de Redondela e conta coa colaboración do Balonmán Chapela, a Comunidade de Montes e o Círculo Cultural Recreativo de Chapela, cuxo presidente Emilio Sánchez Santorio agradecía este tipo de colaboracións que serven tamén para promover as actividades da propia entidade.  

Julia Alonso Asociación Empresarios
Un programa de tres días
Enrique Lago presidente empresarios
Mercadiño solidario
Carlos Rodríguez hostaleiro
Unha tradición facer a fogueira na praia
Jesús Crespo concelleiro
Regular o tráfico

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *