Hoxe é Xoves 28 de Marzo de 2024
Stations
NOTHING FOUND!
Current listeners: 
Peak listeners: 

Indignación entre os últimos expropiados pola AP-9 “obrigados a aceptar prezos por baixo do mercado”

RR_Noticias

A Asociación de afectados asegura que Audasa non deu opción aos dez propietarios que aínda quedaban pendentes de expropiar. Uns propietarios que finalmente decidiron aceptar a oferta da empresa “malia tratarse de prezos por baixo do mercado e que non lles permitirán comprar outra vivenda sen pasar previamente polo banco para asinar unha hipoteca”. Así o explica o portavoz da asociación César Dominguez, quen denuncia que con esta decisión incúmprese o compromiso que existía co colectivo de pagar un prezo xusto aos expropiados.

O pasado luns 29 de febreiro reuníanse cos representantes de Audasa nunha xuntanza que se celebrou no Multiúsos. Para sorpresa dos afectados, os representantes da empresa puxeron  sobre a mesa unha oferta “sen opción a negociar” e moito máis baixa do esperado. Neste sentido asegura Domínguez que “a compensación económica que percibirán os expropiados polas súas vivendas e negocios non lles permitirán acceder a outra vivenda semellante, aló menos en Chapela”. Malia que non recibirán un prezo de mercado, tal e como así se tiña comprometido Fomento e Audasa, os afectados decidiron aceptar a oferta presentada porque en caso contrario arríscanse a un proceso xudicial que podería prolongarse anos e sen ter garantía de que logo da espera recibirán unha indemnización maior. Agora o seu futuro pasa por “marchar da parroquia e facelo antes do vindeiro 29 de maio”, xa que a partir dese día enfrontaríanse a sancións económicas no caso de non abandonar as súas propiedades.  

César Domínguez afectados AP-9
Un acordo sen dereito a negociación
Sen vivendas alternativas
o prezo que reciben non lles permitirá acceder a propiedades de semellantes características

Facebook
Twitter
LinkedIn
Pinterest
WhatsApp

Deixa unha resposta

O teu enderezo electrónico non se publicará