Hoxe é Venres 23 de Outubro de 2020

Xuventude pon en marcha un plan de dinamización para atraer aos máis novos

RR_Noticias

O responsable de xuventude, Julio Mougán recoñece que este departamento leva demasiado tempo parado o que “nos deixa un amplo marxe de mellora”. Asegura que o desexo do goberno local é darlle un pulo a esta concellería polo que “non se escatimarán recursos nesta nova etapa” co obxecto de dinamizar e poñer en marcha políticas atractivas para os máis novos.

Máis aló de actuacións concretas e puntuais, como os campamentos de verán ou a convocatoria do premio de Relatos curtos Os Viadutos, o departamento de Xuventude non está a funcionar como debería. Así o entende o novo concelleiro Julio  Mougán quen ven de anunciar a posta en marcha dun ambicioso plan de actuación que busca conectar cos intereses dos máis de 4.000 mozos que residen no noso concello. O obxectivo é claro, involucralos e mobilizalos así como facelos partícipes da vida social e cultural do noso concello. Un plan que arrancará cunha diagnose da situación, unha avaliación que se desenvolverá durante dous ou tres meses e que servirá tamén para achegarse aos mozos e coñecer os seus intereses “queremos que sexan eles os que marquen o camiño polo que debe ir a Concellería e fuxir de actividades que non lograr espertar o seu interese”. Malia que aínda non é tempo de presentar unha programación si hai diferentes actuacións contempladas de cara o futuro como por exemplo encontros de tribos urbanas ou promover tendencias como o skate park, tamén poñer en marcha unha escola de teatro e outras moitas propostas de carácter transversal “involucrando ao resto de departamentos do concello” que atraian aos mozos.  

Julio Mougán concelleiro de Xuven
Dinamizar á mocidade
Plan ambicioso
Hai moita marxe de mellora
Programación
As actividades concretas aínda están por definirse

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *