Hoxe é Luns 27 de Setembro de 2021
History
Stations
NOTHING FOUND!

O BNG critica que a reforma dos Eidos non garanta a seguridade viaria

RR_Noticias

Entenden que as obras de urbanización que están a piques de rematar lonxe de facilitar a habitabilidade no barrio, fomentan o paso de vehículos cara o casco urbano e prioriza as prazas de aparcamento por diante das beirarrúas. Salientan tamén dende o BNG a ausencia de pasos de peóns con lombos que obriguen a reducir a velocidade “o que non vai garantir a seguridade viaria nunha zona con moitas familias con nenos pequenos”.

Ante a inminencia do remate das obras de urbanización da zoa de Eidos, a organización nacionalista amósase moi crítica cos resultados finais. Consideran que “non resposta ás necesidades dos veciños desta parte do casco urbano ao promover a entrada de vehículos particulares no casco de Redondela, con sobresaturación de prazas de aparcadoiro”. O  concelleiro nacionalista, Xoán Carlos González critica que se manteñan prazas para coches que invaden en parte as beirarrúas “unha actuación que vai en contra da habitabilidade e mobilidade da zona”.
Apunta tamén as condicións nas que queda o vial “unha rúa recén asfaltada, con liñas discontinuas nas que non se construíron pasos de peóns sobre lombos para reducir a velocidade” nun barrio en expansión no que conviven numerosas familias de xente moza, con cativos, xunto a varias escolas infantís. “Con esta remodelación, non se vai poder garantir a seguridade viaria” engade o edil quen conclúe afirmando que con esta actuación “perdeuse a oportunidade de converter Os Eidos, nun entorno máis habitable, simplemente porque o goberno de Javier Bas aposta polo piche sobre as persoas.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *