Hoxe é Xoves 22 de Outubro de 2020

Airiños da Peneda presenta o seu primeiro disco no que recupera cantigas populares de O Viso

RR_Noticias

“Cantigas na Peneda” é o título deste disco que ten detrás moita constancia e o incansable traballo dun ano de ensaios e gravacións así como un importante investimento económico que “valeu a pena, porque estamos moi orgullosos do resultado”. En total 15 temas que conformarán o repertorio do concerto presentación que terá lugar este domingo ás 20:00 horas no Multiusos da Xunqueira.

Un disco que se presentará este domingo e no que ademais de cancións propias, recompilan temas populares e incluso completan cunha gravación que serve de lembranza para todos aqueles que xa non están. “Cantares de Reis é un pequeno fragmento extraído dunha gravación de cando se formou o Bando de Reis Airiños da Peneda aló polo 1999, facemos así unha homenaxe todos os compoñentes que por razóns diversas xa non están con nós”. O obxectivo, con este e co resto dos temas recollidos neste “Cantigas na Peneda” é “deixar constancia desta música que as veces vai desaparecendo coas persoas maiores que son os que aínda as lembran e aínda as cantan”, segundo explica unha das voces da formación Medina Fernández. Unha música popular que se recolle neste álbum autoxestionado que se poderá escoitar nun concerto presentación o domingo ás 20:00 horas “cargado de ilusión” e no que contaran tamén con xente que colaborou co grupo na parte instrumental.  

Medina Fernández Airiños da Pendeda
o obxectivo é deixar un documento sonoro con cantigas que se están perdendo
Enrique Lara presidente
Unha gran familia

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *