Hoxe é Luns 20 de Setembro de 2021
History
Stations
NOTHING FOUND!

AER reclama que se fagan públicas as retribucións que perciben todos os membros da corporación

RR_Noticias

Salarios, subvencións percibidas polos grupos políticos, cartos que os representantes públicos perciban por asistir a outros organismos, dietas ou gastos de protocolo son datos que ao entender da Agrupación de Electores deben ser coñecidos pola cidadanía. Por este motivo reclaman que dende o goberno local se cumpra co compromiso de que estes datos sexan publicados na páxina web do Concello.

Dende AER consideran que a cidadanía debe ter un acceso sinxelo e rápido á información en todo o relativo ao gasto dos cartos públicos. Con gallo de facilitar precisamente que os veciños teñen fácil acceso ao que cobran por diversos conceptos os cargos e grupos políticos representados na corporación reclaman que se recolla na paxina web o salario de cada un dos membros da corporación, a contía da subvención recibida por cada grupo político, os cartos que reciban os membros da corporación por asistir a outros organismos, como GDR, Deputación, Portos de Galicia, etc…. e as dietas recibidas polos concelleiros con responsabilidade de goberno e concepto das mesmas. Tamén que se inclúan nesa información os gastos de protocolo do equipo de goberno e concepto dos mesmos, cunha frecuencia semestral.
Unha demanda que xa presentaron a pleno hai dous anos e que foi aprobada por unanimidade motivo polo que non entenden porque non se fixo efectiva neste tempo e demandan ao goberno local a que cumpra o aprobado en pleno de xeito inmediato.
Solicitan tamén que sexa pública a cantidade que percibe o alcalde por ser membro do Consello de Administración da Autoridade Portuaria de Vigo: non basta con saber só canto cobra por sesión, senón que hai que publicar a cantas sesións asiste, e piden que a actual deputada autonómica do PSOE, Digna Rivas, facilite as cantidades que percibe da Deputación Provincial. Tamén solicitamos aos anteriores deputados provinciais por Redondela, Eduardo Reguera (PSOE) e Alberto Pazos (PP), que faciliten o que cobraron no seu paso polo organismo provincial, para dar cumprimento ao acordo da moción proposta por AER.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *