Hoxe é Luns 20 de Setembro de 2021
History
Stations
NOTHING FOUND!

Homenaxe a Xesús Martínez na inauguración da exposición itinerante sobre as bandas de música

RR_Noticias

Inaugúrase hoxe xoves no Multiusos da Xunqueira ás 20:00 horas a exposición itinerante Bandas de Pontevedra, homenaxe ás bandas da provincia. O Concello aproveitará este acto para homenaxear ás bandas de música de Redondela na persoa de Xesús Martínez Álvarez, que dedicou toda unha vida á música.

Está prevista a asistencia do deputado provincial de Cultura, Xosé Leal, o concelleiro de Cultura de Redondela, Javier Alonso, e os comisarios da mostra, Xaime Estévez e Ana Costas. Esta exposición organizada pola Deputación de Pontevedra é unha das mostras itinerantes que están a percorrer a provincia e pretende poñer en valor a enorme riqueza cultural e social que supoñen estas agrupacións musicais. En Redondela permanecerá ata o próximo 31 de outubro, onde poderá visitarse no Multiusos en horario de luns a venres de 9 a 14h e de 16 a 21:30h.
Trátase dunha mostra dinámica, 70 bandas para 62 concellos, que en cada concello que visita adquire un aspecto diferente ao darlle primacía á banda propia do lugar. Neste caso, a Banda de Música Municipal de Redondela terá un apartado especial, fundada en 1950, é unha das poucas bandas de titularidade municipal da provincia e o seu artífice foi Víctor Ureña Revuelta. Esta iniciativa busca achegar a toda a poboación á realidade dunhas agrupacións musicais que fan desta provincia un lugar singular, tanto pola cantidade como pola calidade das súas bandas. De feito, Pontevedra é a segunda provincia de España con maior número de bandas, só superada por Valencia. A iso hai que sumar o papel que xogan no reforzo da identidade dos concellos e pobos, a súa función de embaixadoras culturais e a conformación dun forte tecido asociativo que é o que as sostén.
A exposición conta con innumerables fotografías, informacións e gravacións que foron achegadas polas propias bandas, pero tamén con estudos e datos facilitados por expertos e investigadores, partindo do mestre Rogelio Groba e seguindo con estudosos como Luis Costa, Javier Jurado, Paz Antón, Nuria Barros, Alejo Amoedo, Sergio Noche ou Enrique Lorenzo, ademais da Federación Galega de Bandas de Música.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *