Hoxe é Xoves 26 de Novembro de 2020

O fume procedente dunha caldeira obriga a desaloxar o colexio de Quintela

RR_Noticias

Un fallo na caldeira do colexio público de Quintela obrigou na mañá de onte a desaloxar ao exterior do edificio aos máis de 140 alumnos que neses intres asistían ás clases. A alarma produciuse ás 10:30 horas cando se observou que saía fume da caldeira. Ante o temor de que se puidera producir un incendio a dirección do centro decidiu desaloxar aos alumnos e alertar ao 112. O incidente produciuse por estar aberta a porta do queimador. Os nenos, de idades comprendidas entre os 3 e os 11 anos, foron desaloxados sen incidencia e en tan só dous minutos.

O 112 puxo en alerta ao parque de bombeiros de Porriño e tamén se desprazaron ao colexio membros do GES (Grupos de Emerxencias e Salvamento) e a Policía Local aínda que finalmente non foi precisa a súa intervención. Logo de comprobar que non había risco por lume nin gases os nenos foron regresando ás aulas.
O xefe territorial de Educación, César Pérez Ares, desprazouse ao centro educativos e confirmou que o problema produciuse por un fallo téncico por parte do equipo de mantemento da caldeira que esqueceron pechar unha comporta logo de realizar a revisión periódica.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *