Hoxe é Venres 29 de Marzo de 2024
Stations
NOTHING FOUND!
Current listeners: 
Peak listeners: 

O Redondela F.S. comeza a liga co obxectivo de mellorar a terceira praza da pasada campaña

RR_Noticias

A Liga Galega Sur arranca este sábado. O Redondela F.S. afronta o campionato logo de moitos cambios, con novo adestrador e co ambicioso obxectivo de mellorar a terceira praza acadada a pasada temporada.

A primeira cita oficial para os homes de Jorge Expósito será sábado ás 16:30 horas no Pavillón Municipal de Redondela ante o equipo Lume Bamboo. Un importante reto xa que se trata dun equipo moi traballado e de gran calidade, que xa destacou nos últimos anos pola súa versatilidade no campo. Os redondeláns queren comezar cun bo resultado diante dos seus seareiros, aos que animan a acudir ao partido, e demostrar que son quen de cumprir coas esixentes expectativas do club. A pasada tempada conseguiron acabar en terceira posición sendo o equipo revelación da categoría. Este ano o listón que se marcaron é lograr superar esta posición sen perder a súa identidade e o bo xogo realizado durante a pasada campaña. E na mañá do domingo tamén haberá ocasión de gozar do fútbol sala no Pavillón de Reboreda. Xogaranse dous encontros amigables entre os equipos femininos cadete e senior de Redondela F.S. e Campito F.S. a partir das 10:00 horas.
 
 

Facebook
Twitter
LinkedIn
Pinterest
WhatsApp

Deixa unha resposta

O teu enderezo electrónico non se publicará