Hoxe é Venres 29 de Marzo de 2024
Stations
NOTHING FOUND!
Current listeners: 
Peak listeners: 

Milladoiro encabeza o cartel das Festas de Reboreda, que celebran o seu 175 aniversario

RR_Noticias

A parroquia redondelá leva celebrando estas festas de xeito ininterrompido desde 1840, todo un fito na bisbarra. Unha festa que mesmo se seguiu celebrando nos duros anos da guerra e a posguerra. Manuel Lorenzo, o presidente da Comisión de Festas, amósase “moi orgulloso” deste aniversario que non ten precedentes na bisbarra.

Lorenzo sinala que a festa non sería posible sen a colaboración dos veciños e do comercio local. Por este motivo a comisión prepara unha edición moi especial, na que queren homenaxear a todos aqueles que fan posible esta celebración. Unha “festa familiar” na que todos os veciños participan, cunha semana grande na que Reboreda celebra a Asunción, Santa Ana e San Roque. Os actos relixiosos comezaron a pasada semana coas novenas e a actuación do Coro Liceo de Vilagarcía. Este xoves día 13 será un dos días grandes co concerto de Milladoiro, ás 22.00 horas no torreiro de Reboreda, grazas á colaboración do Concello de Redondela e a Deputación de Pontevedra. Antes terá lugar a ofrenda de flores á virxe logo de rematar a misa. O venres será a Festa Parroquial de Santa Ana, con misa ás 19.30 horas e a celebración das Vodas de Ouro dos matrimonios da parroquia. Nesa mesma xornada a música correrá a cargo da Asociación Folclórica O Carballo das Cen Pólas, e as orquestras Trébol e Ritmo Noche. O sábado será a Festa de Santa María, con varios actos relixiosos e verbena coa orquestra Compostela e o grupo Almirantes. O domingo será a Festa de San Roque, con actos relixiosos pola mañá e a actuación das orquestras Poceiro e D´Lider para pechar os actos.  

Manuel Lorenzo Comisión de Festas
O presidente da Comisión de Festas agradece a colaboración dos veciños.
175 aniversario
Mesmo na guerra civil e na posguerra os veciños seguiron celebrando as festas en Reboreda.

Facebook
Twitter
LinkedIn
Pinterest
WhatsApp

Deixa unha resposta

O teu enderezo electrónico non se publicará