Hoxe é Xoves 28 de Marzo de 2024
Stations
NOTHING FOUND!
Current listeners: 
Peak listeners: 

O pleno avala o convenio de construción do novo colexio de Chapela no Polígono de autopistas

RR_Noticias

O terreo, tamén coñecido como finca da Ginaria, dispón dun espazo de 34.000 meros cadrados que será destinado a albergar ademais do colexio outras infraestruturas como a tan demandada gardería. A concesionaria Audasa será a encargada de financiar a construción do novo colexio e comprométese ademais a garantir o benestar dos rapaces que continuarán asistindo ás clases no colexio Igrexa mentres non sexa rematado o novo centro. O goberno garante que o alumnado non será diseminado e que se aplicarán medidas correctoras para asegurar o bo desenvolvemento da actividade docente mentres duren as obras.

O pleno ordinario celebrado o pasado martes apoiou por unanimidade o convenio con Audasa polo que a empresa concesionaria da autoestrada comprométese a adquirir o denominado “polígono de autoestradas” e construír alí o novo centro escolar que albergará aos rapaces que actualmente estudan no colexio Igrexa, edificio que será demolido por estar afectado pola ampliación da AP-9.O novo centro escolar debería estar construído no prazo máximo de 24 meses, nunha parcela de 34.000 metros cadrados que será destinada polo concello a uso dotacional e na que previsiblemente se construirá tamén a gardería.O acordo plenario supón dar luz verde a un convenio que servirá para garantir que o alumnado deste centro educativo non sexa diseminado por diferentes colexios. A empresa Audasa comprométese tamén a adoptar medidas de seguridade especiais na contorna do colexio en canto arranquen as obras e instalar barreiras contra o ruído. Asemade, outro dos compromisos pasa por adaptar os traballos aos períodos vacacionais escolares, para minimizar na medida do posible os prexuizos que as obras poidan provocar no desenvolvemento das clases.  

MIguel Angel Alvarez Ballesteros edil de Medio Ambiente
O concelleiro fala dun convenio moi vantaxoso para Chapela
Medidas de seguridade
Mentres non se remate o centro novo os rapaces seguirán no Colexio Igrexa

Facebook
Twitter
LinkedIn
Pinterest
WhatsApp

Deixa unha resposta

O teu enderezo electrónico non se publicará