Hoxe é Xoves 26 de Novembro de 2020

O número de desempregados baixa en 155 persoas na comarca de Redondela

RR_Noticias

Mesmo comportamento o experimentado no último mes nos catro concellos que conforman a nosa comarca en canto á evolución do paro, con caídas no número de desempregados en Redondela, Soutomaior, Pazos e Fornelos. Un mes de marzo que nos deixa polo tanto bos datos en canto á recuperación do emprego, malia ter arrancado o ano cun mes de xaneiro nefasto.

A comunidade vive o mellor marzo dende 2004 con 5.126 parados menos e máis afiliados á Seguridade Social. A nosa comarca beneficiase tamén desa tendencia malia que hai cinco meses o número de desempregados era menor no noso concello. Logo de importantes subas no número de persoas en situación de desemprego tanto no mes de decembro como no arranque deste 2015, a situación tende a mellorar cun descenso nas cifras de paro. 68 terían atopado traballo no pasado mes situándose a día de hoxe o número de desempregados en Redondela en 2.614. Redución salientable tamén en Soutomaior, cun descenso de 31 persoas que deixa o cómputo total en 846. No Concello de Pazos hai inscritas 408 persoas en situación de busca de emprego, 35 menos que o mes anterior, mentres que en Fornelos son 196 as persoas nesta situación, 21 menos que en febreiro.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *