Hoxe é Xoves 11 de Agosto de 2022
Stations
NOTHING FOUND!
Current listeners: 
Peak listeners: 

Charla sobre a eclipse solar na Casa da Cultura

RR_Noticias

A charla divulgativa correrá a cargo da Asociación Astronómica Sirio de Pontevedra e está organizada pola Concellería de Cultura en colaboración coa Asociación Amigos das bibliotecas de Redondela. Na mesma falarase entre outras cuestións de como ver a eclipse do venres 20 de marzo, un ocultamento solar que comezará ás 9:04 e chegará ao seu momento máximo ás 10:07. A charla de hoxe mércores terá lugar ás 20.30 h, na Casa da Cultura.

A Asociación Astronómica Sirio de Pontevedra será a encargada de conducir o acto, que contará coa intervención de Angel Valverde, Mariano Gilsanz, Juan Carlos Asensi e Severino Yáñez, todos eles integrantes desta asociación creada para practicar a observación astronómica coas persoas asociadas e mais para divulgar a astronomía entre a poboación en xeral.
Na charla e abordaranse distintos aspectos indispensables para entender e gozar do extraordinario espectáculo que é unha eclipse de sol: en que consiste unha eclipse, importancia e historia destes fenómenos, descrición dos mecanismos polo que se producen e que dan orixe aos distintos tipos de eclipses de sol. Ademais, nesta ocasión, describirannos concretamente o que se verá na eclipse do próximo 20M dende Pontevedra, e os medios que se poden empregar para observar, de forma segura, estes fenómenos..
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará